C21 apoia a ampliación das instalacións do noso Concello e pregunta polo arranxo da Caseta da Ponte

Hoxe o Excelentísimo Alcalde Sr. Enrique Cabaleiro mantivo un encontro co Sr. Ministro do Interior D. Fernando Grande-Marlaska. En dito foro o Sr. Cabaleiro solicitou ao titular do Ministerio a cesión do edificio lindeiro o noso Concello, onde actualmente atópanse as dependencias da Policía Nacional. Con esta anexión ampliaríanse as instalacións do noso Consistorio, moi limitado de espazo.

Dende C21 queremos apoiar dita solicitude, unha idea que durante o noso mandato, a carón da reforma dos Xulgados, plantexamos en algún foro de maneira extraoficial a espera de que se presentase unha oportunidade de propoñela. Evidentemente, esta era unha ocasión propicia.   

Ademais de favorecer as infraestruturas do Concello esta medida podería redundar na mellora da situación das dependencias da propia Policía Nacional, que hoxe se atopan nun lugar pouco operativo. 

Evidentemente, dende Converxencia 21 consideramos que hai que facer un plantexamento reflexionado e a longo prazo sobre o posible movemento de pezas nos edificios de titularidade municipal, quedando a disposición do Goberno Local para tratar este asunto e facer as nosas achegas que estarán baseadas na mellora dos servizos aos cidadáns e baixo criterios rigorosos de sustentación financeira. ,
  
Pola outra banda queremos interpelar ao Sr. Alcalde para preguntarlle, xa que estivo co Sr. Ministro, polo arranxo da Caseta da Ponte Internacional que leva tres anos esnaquizada e que depende precisamente desta Carteira de Interior. O Goberno de C21 xa solicitou dita reparación e seguimos a espera.