Referente as declaracións da Sra Concelleira de Cultura sobre as Festas de San Telmo e Festas de Verán

Dende Converxencia 21 queremos aclarar as declaracións realizadas pola Sra. Concelleira de Cultura Dª Sonsoles Vicente en relación coas Festas de San Telmo e cos eventos de Verán neste ano 2019. Respecto as Festas de San Telmo, subliñar que a cifra de gasto non chega aos 300.000 euros como afirmou  a Sra. Concelleira;  e a máis consideramos que estas Festas foron as mellores da historia cunha programación variada e de gran calidade. 

Queremos recordarlle ao Partido Socialista que o seu Goberno pagou 180.000 euros, as segundas Festas máis caras da historia en 2017, con eventos de menos entidade, sobre todo no que se refire aos concertos e atraccións, porque nos fixemos unha xestión exemplar dos cachibaches e moi orixinais espectáculos na rúa. Evidentemente un artista en boga como Blas Cantó e sobre todo unha formación da traxectoria de Orquesta Mondragón teñen un cache, non en vano a Mondragón atesoura 5 “hits” na música española, e os seus discos “Bon Voyage” e “Bésame Tonta” están extraordinariamente valorados pola critica e no seu día polo mercado.     

Cáusanos sorpresa que o Partido Socialista critique en C21 o que alaba do seu Alcalde referente, D. Abel Caballero, que este ano gastou case 4 millóns de euros nas luces do Nadal pero que supostamente beneficiaron de forma substancial a hostalería de Vigo. Nos  consideramos que estas festas en Tui igualmente supuxeron unha notable fonte de ingresos para os comerciantes e para o sector hostaleiro tudense. A máis o PSOE avogou por unhas festas patronais de entidade, pedímoslle coherencia a hora de valorar o evento de 2019 que  consideramos moi positivo en relación calidade, custo,  repercusión e resultados.

Respecto o que se desprende das declaracións da Sra Concelleira sobre as Festas de Verán, subliñar que temos que presentar unha queixa formal. A Sra. Concelleira da a entender que os presupostos de IKFEM e ARRAIANOS están extinguidos. Iso é non e certo. O Goberno de C21 foi o primeiro en introducir en orzamentos as partidas dos devanditos eventos. Son orzamentos blindados e polo tanto en plena dispoñibilidade para este exercicio.  

Por outra banda, unha inexactitude que se podería desprende do artigo de Faro de Vigo o respecto da Música no Claustro. O feito de que non teñamos concerto este ano non e culpa do Goberno anterior. Este evento celebrase cada dous anos e este 2019 non toca. 

Declaracións de José Palacín na Radio Municipal de Tui. (29/07/2019)