C21 presentará no Pleno unha solicitude para eliminar tres puntos negros na Estrada PO - 404.
O noso Concelleiro defenderá nesta sesión plenaria de xullo unha moción pola cal pedimos que a Corporación de Tui solicite a Consellería de Infraestruturas da Xunta de Galicia a intervención en tres puntos negros do percorrido da PO - 404 a seu paso pola demarcación de Tui.
A moción solicita a mellora do tramo entre o Km 3,120 e o 3,250 no seu transcurso polo regato de Paramos onde un valado e unha ponte supoñen un risco para os vehículos e a absoluta interrupción do tránsito peonil, unha segunda actuación se requiriría fronte a Casa Cultural Paramos onde os vehículos circulan a gran velocidade, e unha terceira, a máis ambiciosa, tería como obxecto liquidar o punto negro sito en Baños, en torno a Estación, Colexio O Pelouro e CRA de Caldelas, presentándose un informe de actuacións urxentes.
C21 iniciou estas reivindicacións ao abeiro do seu Plan LOITA PO la 404, e se ben o concelleiro do partido liberal recoñece a traxectoria positiva de investimentos da Xunta de Galicia en Tui, tamén faise eco desta necesidade de mellora dunha arteria que percorren os veciños de catro parroquias (Guillarei, Paramos, Baldráns e Caldelas) e que une Tui con Salceda de Caselas e Salvaterra).
Palacín afirma sentirse optimista
cun posible apoio dos diferentes grupos a esta moción.
Prensa
Radio Municipal de Tui. Noticias 13,30 do día 30 de Xullo 2020.