C21 congratúlase pola recente posta en valor do conxunto de gravados rupestres situados en Randufe pero solicita a execución do Plan REC - TUI.
O noso concelleiro expresa
que a prospección e a recuperación dos petroglifos de Randufe foi un proxecto encargado polo goberno de C21 no mandato anterior en colaboración ca Comunidade de Montes de Randufe e financiado coas axudas para a Rehabilitación e Sinalización do Patrimonio Histórico-Cultural da Deputación de Pontevedra, correspondentes ao ano 2019.
Con este proxecto perséguese (segundo palabras do exconcelleiro de Patrimonio Eduardo Freiría) "a conservación do patrimonio e do seu entorno, así como a difusión e valorización do mesmo por parte da sociedade", e neste senso, C21 solicita ao actual goberno que execute o proxecto financiado co Plan Concellos da Deputación, correspondente ao ano 2018, REC-TUI, e que consiste na reactivación patrimonial dos elementos históricos existentes no Concello.
Trátase dun proxecto vangardista en Galicia, que ten como obxectivo o patrimonio na súa dimensión máis material, onde sexa contemplado como un “recurso vivo”, capaz de contribuír ao desenvolvemento económico e social atopándolle funcións contemporáneas e baseándose nun método de actuación que parta do debuxo dunha cartografía histórica xeorreferenciada, que se visualice nunha web interactiva, que este aberta a divulgación na educación e con xornadas de expertos, e incluso ser obxecto de unidades didácticas. Todo iso o contempla o Plan REC.
Prensa.
Radio Municipal de Tui. Noticias 13,30 do día 4 de stembro de 2020.
