C21 insiste na correcta sinalización de determinados puntos do Camiño de Santiago ao seu paso por Tui, poñendo agora o foco na zona da Catedral.

-

O concelleiro dos liberais de Tui, introduciu esta semana por rexistro de entrada unha petición para a correcta sinalización do Camiño ao seu paso por Tui.

Esta vez trátase da confusión que xera o Banco do Peregrino que se atopa diante da Catedral e que ten un moneco con frecha que sinala a porta da antiga oficina de turismo en vez de indicar a subida das escaleiras e continuar cara a Praza da Casa do Concello, e polo tanto en dirección ao casco histórico.

Ante esta situación, explica José Palacín: “Os que percorren o Camiño collen unha dirección errada cara a cidade nova”. Tamén explica que as indicacións para identificar a nova oficina de Turismo dende a Catedral son practicamente nulas.

Por outra banda, Converxencia 21 realizamos unha pequena enquisa entre os camiñantes sobre a sinalización da Ruta a entrada da fronteira e a maioría a consideran mala ou moi mala, así como pensan que dita entrada ten un aspecto indigno.

Ámbalas cuestións, especialmente a deficiente sinalización da Ruta a altura do cruce ca Rúa Tenencia e ca Estrada PO–552, xa o denunciaramos os liberais en nota de prensa en setembro de 2020 sen que o Goberno fixera nada ao respecto, e polo tanto, os peregrinos seguen a extraviarse por Martínez Padín cara arriba, desvirtuándose a verdadeira Ruta Xacobea.

Palacín pide o cambio de orientación da frecha do moneco para seguir as frechas amarelas que se atopan inscritas na Catedral e insiste en que a sinalización cando se entra en España resulta un despropósito.

 

Prensa. 

Telemariñas

 

Publicacións populares deste blog

PSOE e BNG impoñen o Imposto de Plusvalía. Palacín: "Comeza unha era de depredación fiscal contra os tudenses""

-
Imaxe
No Pleno de onte materializouse a reintrodución do Imposto de Plusvalía a proposta do Goberno Socialista e cos votos favorables dos membros do Goberno é do BNG. Este inxusto tributo fiscal fora suprimido polo Goberno de Converxencia 21, sendo Alcalde Carlos Vázquez Padín en 2018 por varias razóns:  1) Convicción de que o gravame nas transaccións de bens patrimoniais tanto por venta, como por doazón ou sucesión son un abuso do Estado, unha intromisión inaceptable nos dereitos do individuo sobre a súa propiedade privada. 2) Os cartos deben estar nas mans dos seus lexítimos propietarios en vez de nas arcas do ineficiente Estado que cada vez emprega máis os recursos en alimentar a industria política. Do mesmo modo, unha estratexia de baixos impostos dinamiza a economía e isto non é alleo a Tui. 3) Concretamente este imposto, naqueles intres estaba sendo sometido a lupa do Tribunal Superior de Xustiza Europeo, incluso do Supremo e do Constitucional do propio Estado Español, porque
Ler máis

Converxencia 21 pide que se estude a posible retirada dunha xardineira en San Bartolomé.

-
Imaxe
  O noso concelleiro, que continua co programa de C21 #tuiseguro, acaba de solicitar que se estude por parte das concellerías de Obras e de Patrimonio a retirada e conversión en solo firme de pedra do espazo que ocupa actualmente un xardineira que debería albergar unha árbore, pero que non existe na praza do barrio de San Bartolomé. Os liberais alegamos por unha banda que ter ese espazo destrozado e valeiro afea a contorna e que ademais o Concello debería estudar a eliminación da estrutura posto que a procesión do santo pasa xusto por ese lugar resultando un perigo e dende logo entorpecendo o tránsito. A tal efecto, José Palacín pide que: “Se estude con Patrimonio a retirada porque si algún transeúnte e sobre todo, algún portador de imaxes da procesión tropeza neste lugar pode producirse unha desgraza”.  
Ler máis