C21 volve a solicitar a volta do Mercado do Xoves para a Corredoira e a súa contorna.
A Corredoira un xoves as 11.30 h.
C21 insistimos en que o tradicional Mercadillo do Xoves debe voltar a Corredoira e a algunha das súas rúas limítrofes como cara ao interior de Rosa Bahamonde.
Converxencia 21 apoiou no seu día o traslado do mercado a zona de Camfran por motivos do COVID, en tanto en canto durase o Estado de Alarma e o máis duro da crise sanitaria, pero para o noso concelleiro: “Isto xa rematou fai tempo e o Goberno Local continúa a condenar de inanición aos comerciantes ambulantes e a unha peregrinación absurda ao usuarios deste tradicional mercado” De feito, C21 xa impulsou un Pleno Extraordinario para tratar este asunto e pediu o regreso do mercadillo a Corredoira en duas ocasións mais mediante rogos en sesión plenaria e notas de prensa.
Palacín afirma que de maneira informal acaba de realizar unha proposta ao Alcalde para recolocar o mercadillo ao longo de toda a Corredoira ata o final da Rúa Calvo Sotelo, pero so nunha fila e deixando corredores colaterais e as entradas dos comercios e as terrazas dos bares expeditas para que todos interactúen e se retroalimenten, lonxe do caos da etapa anterior. Tamén suxire levar parte do mercadillo cara as rúas interiores, polo lateral dos antigos xulgados con destino a Rosa Bahamonde, pero sen que os postos resulten invasivos para os comercios, senón que máis ben funcionen como reclamo. Para finalizar, plantexa unha loxística distinta a anterior e que se utilice a Rúa Augusto González Besada como carril de entrada e evacuación, sempre operativo para atender as posibles necesidades do mercado e as emerxencias.
C21 afirmamos que si o Goberno socialista non asume esta proposta: “Iniciaremos unha campaña entre o comercio e dende logo esta idea formará parte do futuro programa electoral e será condición sine qua non da calquera plantexamento político”.
Prensa
Radio Municipal de Tui. Noticias 13.30 h do día 27 de abril de 2022.
