Converxencia 21 considera que alumeado de Nadal en Tui chega tarde.
O noso voceiro do partido liberal, José Palacín, considera inadmisible que se retrase a inauguración do alumeado de Nadal para despois da Ponte da Constitución.
Os centristas afirmamos que se prexudicou de forma notable ao comercio e a hostalería locais, ademais da imaxe de Tui. Para Palacín: “O que se atopa o visitante que ven a nosa cidade son unhas luces cavernarias e tétricas”
Para C21, as luces debían estar en funcionamento antes da Ponte da Constitución porque miles de persoas veñen a ver as luces de Vigo, que xa está a tope de ocupación hoteleira, e moitos destes turistas poderían aproveitar a viaxe para pernoctar en Tui e coñecer a beleza do seu patrimonio e a calidade do seu comercio e gastronomía, pero atópanse con un lugar lúgubre e desleixado.
O máis irónico do asunto para o nos concelleiro é que: “Este goberno atrévese a inaugurar un Mercado de Nadal nestas condicións lamentables de falta de imaxe navideña”.
Prensa
Radio Municipal de Tui. Noticias 13,30 do día 07/12/2022
