Entrevista a José Palacín Pleno Extraordinario do 05/10/2023. RMT
Hoxe o noso voceiro, José Palacín, estivo na Radio Municipal de Tui falando do Pleno Extraordinario do 5 de outubro.
C21 defendeu nesta sesión plenaria a súa moción sobre o cambio de localización do Mercadillo do Xoves que creemos, debe achegarse máis ao centro histórico, pero o BNG votou en contra do que levaba estipulado no seu programa electoral e o asunto quedou sobre a mesa.
Tamén postulámonos respecto ao resto das mocións, entendendo que sería positivo ingresar na Rede de Emprendedores de Galicia e argumentando a escasa implicación do Goberno Local co emprendemento e cas políticas económicas produtivas.
Do mesmo modo, pensamos que a sede de Asuntos Sociais debe mudar de lugar pero hai que estudar o cambio de pezas dos edificios públicos de Tui con estratexia e sentido de cidade.
Tamén negámonos rotundamente a asumir un convenio de cesión con ADIF no cal o Concello e Tui teña que facerse cargo das responsabilidades civís e penais derivadas dun hipotético accidente derivado da custodia das árbores da estación de ferrocarril.
Por último, falamos longo e tendido da Conta Xeral - 2022, realizado unha diagnose sen falacias pero afondando no desorden financieiro do Goberno. Aínda así, ao tempo, con responsabilidade votamos "abstención" para non prexudicar a Tui ante o Tribunal de Contas e outras entidades fiscalizadoras do Estado.
Seguimos traballando, pero agora deixamos definitivamente atrás a corrección política porque entendemos que Tui atópase nun inicio de estado de emerxencia. O que nunca perderemos serán as formas.
