Palacín: “A única xestión real respecto do inmoble realizouse co noso Goberno, de momento o demais é fume”.  O noso concelleiro, José Palacín, ven de mostrar o seu malestar polo novo episodio frustrado na tentativa de rehabilitación do teatro. En abril de 2023, en plena precampaña electoral, o Goberno Local lanzaba as campás a voar anunciando que a reconstrución do Teatro Principal xa estaba en marcha ao acadar unha subvención do MITMA (Ministerio de Transportes, Mobilidade y Axenda Urbana) de 772.000 euros a cargo do fondo provisional PIREP ao que habería que sumar unha aportación municipal de 400.000 euros, pero a cuantificación real do proxecto elaborado polo arquitecto Cesar Portela alcanzaba os 3 millón de euros. De forma pública, C21 congratulouse de ese éxito inicial pero advertiu que: “O Executivo Local debe ser cauto, o teatro non pode converterse nun mero reclamo electoral e hai seguir traballando porque queda moito por facer”. En procura do resto do montante, o Con

O noso concelleiro, José Palacín, ven de solicitar por rexistro que se arranxe o firme do parque infantil do paseo fluvial que está levantado e deteriorado, supoñendo un certo perigo en caso de que un neno caia nesa zona de cemento. Os liberais levamos catro anos solicitando un contrato pechado para o mantemento de parques, cuestión na que foi pioneiro o Goberno de C21. Do mesmo modo, hai espazos de ocio infantil como o traseiro do Edificio da Asociación Mosteiro de Pexegueiro / Comunidade de Montes de Pexegueiro que necesitarían unha remodelación total, tanto nos elementos de xogo, como nos accesos como no firme. De feito, na liña do mandato anterior, C21 está visitando as parroquias para supervisar o estado dos parques.

  O concelleiro de Converxencia 21, José Palacín, ven de solicitar por rexistro que se tapen os buratos que salpican o percorrido entre o cruce da PO - 340 e a Fonte dos Curros cara a Pexegueiro. Aínda que a vía atópase en razoable estado de conservación, precisamente, a presenza puntual deses profundos baches sorprende aos condutores e pode causar danos aos vehículos e incluso algún accidente. Do mesmo modo, e neste sentido, os liberais piden un mellor mantemento das estradas que percorren as parroquias tudenses.

O concelleiro de Converxencia 21, José Palacín, ven de solicitar por rexistro de entrada a mellora do mantemento nas máquinas de ximnasia biosaludables do paseo fluvial, así como outros elementos como a rede de voleibol e algún columpio do paseo fluvial. Dito mobiliario urbano atopase oxidado e no caso das máquinas de exercicio para persoas maiores carentes de pezas ou fora de funcionamento. Para C21 a cultura do mantemento debe prevalecer sobre a política de inauguracións faraónicas, por iso ven acordando co goberno que se aborden as licitacións de parques e xardíns e que se aborde un contrato de mantemento para os parques infantís. Do mesmo modo, C21 iniciará, como no mandato pasado unha rolda de inspección polos parques da parroquias para comprobar o seu estado.